ഗദ്യമായോ പദ്യമായോ ഗദ്യപദ്യ സമ്മിശ്രമായോ നടത്തപ്പെടുന്ന പ്രവാചക പ്രകീര്ത്തനമാണ് മൌലിദ് കൊണ്ട് വിവക്ഷക്കപ്പെടുന്നത്.സുപ്രസിദ്ധ പണ്ഡിതന് അല്ലാമ സുയൂഥി (റ) നല്കുന്ന നിര്വചനം ഇങ്ങനെയാണ്. മൌലിദ് പാരായണം പ്രതിഫലം ലഭിക്കുന്ന നല്ല ബിദ്അത്ത് ആണ്.
ലോകാനുഗ്രഹി തിരുനബി (സ്വ)യുടെ ജന്മ മാസം എന്ന പേരില് പ്രസിദ്ധമായ റബീഉല് അവ്വലില് തിരുദൂതരെ പ്രകീര്ത്തിക്കാന് വേണ്ടി പ്രഭാഷണം, മദ്ഹ് ഗീതാലാപനം, അന്നദാനം തുടങ്ങിയവ സംഘടിപ്പിക്കുന്നത് പൊതുവെ നബിദിനാഘോഷം എന്ന പേരില് അറിയപ്പെടുന്നു. ലോകത്ത് മുസ്ലിംകള് താമസിക്കുന്ന ഒട്ടുമിക്ക പ്രദേശങ്ങളിലും ഈ ആഘോഷം നടക്കാറുണ്ട്. എന്നാല് നൂറ്റാണ്ടുകളായി നടന്നു വരുന്ന നിരവധി സദാചാരങ്ങളെ വിമര്ശിക്കുകയും സമുദായത്തിന്റെ ആത്മികവും ചിന്താപരവുമായ മുരടിപ്പിന് വഴിയൊരുക്കുകയും ചെയ്ത വഹാബി പ്രസ്ഥാനം നബിദിനാഘോഷത്തെയും രൂക്ഷമായി തന്നെ ആക്ഷേപിച്ചു.
അല്ലാഹു അല്ലാത്ത ആരാധ്യവസ്തുക്കളുടെ അടിമത്വത്തില് നിന്ന് മനുഷ്യരാശിയെ മോചിപ്പിച്ച, അധര്മ്മത്തില് നിന്ന് ധര്മ്മത്തിലേക്കും അവിശ്വാസത്തില് നിന്ന് വിശ്വാസത്തിലേക്കും ബഹുദൈവാരാധനയില് നിന്ന് ഏകദൈവാരാധനയിലേക്കും വഴിനടത്തിയ ഉന്നത വ്യക്തിത്വയായ മുഹമ്മദ് നബി(സ്വ)യെ മുസ്ലിം ലോകം പ്രകീര്ത്തിച്ചുകൊണ്ടേയിരിക്കും.
വിശുദ്ധ ഖുര്ആനും ഹദീസ് ശരീഫും പുണ്യ പ്രവാചകരെ പ്രകീര്ത്തിക്കുന്നതായി കണ്ടെത്താവുന്നതാണ്. ഒട്ടേറെ ഗ്രന്ഥങ്ങളും പ്രഭാഷണങ്ങളും പുണ്യപ്രവാചക(സ്വ)നെ പ്രശംസിക്കുന്നതായും നാം കാണാറുണ്ട്. അതെല്ലാം മത വിരുദ്ധമാണെന്നോ മദ്ഹുന്നബി ആവശ്യമില്ലെന്നോ വസ്തുനിഷ്ഠനായ ഒരാളും പറയില്ല; പറയാന് സാധ്യവുമല്ല.
